 |
(Aldo Cardoso, Cochabamba, 2000) |
Somos como l’agua. Una pingarata sola nin se la ve. Esnidia penriba’l mofu. Cai sobro’l suelu y desapaez pa les coraes de la Tierra.
Asina somos. Percorremos les solombres. Esboriamos pelos argayos de les roques. Xunimos los nuesos trayeutos. Travesamos les grutes. Axuntámosnos a millones nes vueltes de les fondes cueves.
Asina somos. Avanzamos xuníes nun cuerpo solu. Poderoses y versátiles, biltamos d’esmenu a la lluz agullando nos rabiones y denguna roca nun ye quién pa cola fuerza de nós.
Sicasí, al nuesu pasu remanez el verde nos praos, xurdiendo flores a magüeyu, los árboles de la viesca enllénense de tienres fueyes nueves y nes güertes rescamplen los retueyos de lo que va ser fruta dulcina con zume a esgaya.
Asina somos. Una persona sola pasa desapercibida. Los señores nin se decaten d’ella. Menosprecien la so fuercia. Y la vida’l solitariu esmuz nun silenciu axorizáu. Masque, cuando l’ensame ye’l qu’avanza xuníu, son ellos los que tremen porque se sienten débiles ya espavoriaos.
Asina somos. Xunimos los nuesos trayeutos, somos l’ensame que-yos amedrana. Poro, allampien por aselanos, controlanos ya aisllanos según la so comenencia. Pal beneficiu d’ellos querríen que tuviéremos talo l’agua estancao, nun mundiu trocáu podre ya amalecíu. Pero entós, davezu xurdimos agullando de secute pal llume, con una fuerza descomanada énte la que tán ciertos que son impotentes; les sos muries esbarrumbense y tol so mundiu d’opresión desaniciase hasta los encontos.
Por embargu, cuando queden detrás los díes de la roxura y l’esgonciamientu ya esboriemos d’un xeitu llibre, también llevaremos la fermosura de la primavera a tolos requexos de la Tierra.
Asina somos. Lo mesmo que l’agua. Humilde ya invencible. Daveres poderosa.
(Testu integráu na instalación Los guerreros del agua d’Aldo Cardoso, presentada dientro la esposición coleutiva Aigua, una mostra fotogràfica, Amics de les Arts i Joventuts Musicals, Terrassa, 2011. Torna a l’asturianu d’Helena Trexu Fombella.)
En 1997 el Banco Mundial impuso la privatización del agua en El Alto-La Paz y en la ciudad de Cochabamba como condición a su ayuda financiera. Se entregó a la compañía Aguas del Tunari, subsidiaria de las corporaciones transnacionales Bechtel, Edison y Abengoa que en enero de 2000 elevó las tarifas un 200% y controló todos los sistemas de agua, las cooperativas de los barrios y las fuentes de riego.
ResponderEliminarLa Coordinadora de la Defensa del Agua y de la Vida impugnó la concesión y llenó las calles de protesta. El gobierno del general Hugo Banzer mandó apresar a los dirigentes de la Coordinadora, decretó el estado de sitio de la ciudad durante 90 días y fue ocupada militarmente. Pero la resistencia ciudadana logró, tras dos muertes y numerosas personas heridas en los suburbios sin agua potable, que el gobierno cancelara su contrato con Aguas del Tunari.